1-Маусым балаларды қорғау күні

• 1 маусым 2021
• Оқылған саны: 7

Балаларды қорғау күні әр баланың көңілді де бақытты балалық шағы болуы тиіс екеніне тағы бір мәрте назар аудартады. Аталған мейрам балаларға шат күлкі мен қуаныш сыйлауға мүмкіндік береді және әлемді жарқырата түседі. 

Бүгін "Қарақия аудандық психологиялық-педагогикалық түзеу кабинетінде", мекемеге қарасты Жетібай филиалында 1-Маусым - Халықаралық балаларды қорғау күніне" орай мерекелік шара ұйымдастырылды. 

Адамгершілікке, әділдікке, баянды өмірге толы қоғам құру мақсатында өткен шарада балаларға жақсы лебіздер айтылды. 

Мереке барысында мекеме басшысы Күмісай Кедергиевна: 

-Балаларды қорғау күні мереке ғана емес, сонымен қатар, болашаққа бағдар жасайтын маңызды шараның бірі, екенін айта келіп, балаларды, жиналған қонақтарды атаулы күнмен құттықтады. 

Сондай-ақ, оқу ісінің меңгерушісі Айнұр Бахтияровна мен шаруа ісінің меңгерушісі Гульмира Нұрқуатовна, адамзаттың алдында тұрған зор міндет - болашақ ұрпақтың бақытты өмірін қалыптастыру екенін айта келіп, бұл ерекше күннің бүлдіршіндер өмірінде маңызға ие кезеңдердің бірі деп топшылады.

Сонымен қатар аталған мейрамда "Тәттім" кафесі балаларға демеушілік көрсетті.